Vehiculo SUV a bay dal fuertemente contra kwihi na Turibana

ORANJESTAD (AAN): Diasabra anochi algo prome cu 9:30’or, habitantenan di Turibana a scucha un zonido fuerte, y mesora a sali.

  A resulta cu un chauffeur na stuur di un vehiculo tipo SUV, esta Chevrolet Equinox color shinishi, cy a perde control y bay dal contra e troncon di un mata di Kwihi.

   E vehiculo tabata bayendo direccion Alto Vista y debi na velocidad halto e hoben chauffeur a perde control y bay dal contra e troncon.

   Polis di Noord y di trafico a presenta, unda cu a solicita pa un Ambulance tambe mirando cu e chauffeur tabata keha di basta dolor.  Paramediconan a bin haye drumi riba pida carton abao banda di e vehiculo.

   Ambulance a presenta y Paramediconan mesora a cuminsa duna e chauffeur e asistencia necesario, y pa despues e wordo transporta pa Servicio di Emergencia na Hospital.