Polisnan buscando homber canando cu rifle anochi den Dakota

ORANJESTAD (AAN): Tabata Diaranson anochi, cu Central di Polis a core manda diferente unidad di Polis di Playa pa core rond den Dakota. 

Pasobra informacion a drenta cu den Olijfistraat tin un homber cananco cu un rifle.

   Habitantenan cu a mira esaki, a core notifica autoridad cu ta un homber ‘conoci di bario’ ta canando cu e scopet aki.

   Mas cu claro, esaki a causa spanto debi cu e persona aki ya a yega di hay'e den problema cu polis pa su comportacion no-normal.

   Ora cu Polis a yega den Olijfistraat, algun habitante a indica na agentenan unda e persona a wordo mira pa ultimo biaha.  Agentenan a move den e sector, y tira bista.  Aki a baha y den un di e cura di cas, a topa cu e rifle largo.

   E scopet aki ta algo bieu, y e falta diferente componente.  Ademas no ta conoci si acaso e ta un rifle di windbuks.

   Toch autoridad a keda check rond, y un rato despues Polis a topa cu e homber y a bay cu ne Warda di Polis pa papia cu ne y hala su atencion riba su comportamento.