Motorcycle a bay dal hopi duro den palo di luz na Sabana Liber

ORANJESTAD (AAN): Diadomingo mainta net na salida di solo,

na altura di Sabana Liber 31-B riba e caminda pa bay Veld di Nacional, un motociclista a dal abao, y a slip dal den un palo di luz.

   Tanto Polis como tambe Ambulance a yega eynan pa asina atende e persona herida.  Autoridad a bin haye sinta abao banda di e palo di luz.

   Paramediconan a indica cu nan kier pa e bay den Ambulance, y e persona masculino mes a lanta para y cana e pida chikito ey y drenta den e vehiculo.  Aki ta unda nan a dicidi cu tin di bay cu ne pa Servicio di Emergencia na Hospital pa observacion mas avanza.  Parti di e brommer a kibra den e accident aki.  Suministro di coriente den e area no a wordo afecta.