Motociclista a cay su so net na T-weg pariba di Well Well

ORANJESTAD (AAN): Diabierna anochi yamada a drenta na Emergencia 911

cu tin un accident cu brommer riba caminda di Santa Cruz pa Playa, na altura di e T-weg cu tin pariba di Well Well Bar & Restaurant.

   Polis tambe a wordo notifica, y un patruya di Santa Cruz a mobiliza pa eynan.

  Ambulance tabata esun prome na e lugar, y berdad a topa cu un brommer benta abao net banda di e T-weg aki.

   Segun e motociclista a declara, cu "nan" a bente abao, pero no tabatin ningun otro vehiculo of hende na e lugar cu por bisa esey.

   Polis a yega algun rato despues, y basa riba nan observacion y analisis di e rastronan riba caminda, ta mustra den e direccion cu e motociclista a cay su so.