Kaderopleiding nobo na Scol di Polis ta pa forma lidernan di mañan den Cuerpo

Lesnan a start e siman aki

ORANJESTAD (AAN): Dialuna mainta na Scol di Polis Watty Vos na San Nicolas, a anuncia apertura di un Kaderopleiding nobo pa Cuerpo Policial.

   Alto Comisario Ramon Arnhem a indica cu esaki ta un opleiding cu hende a warda hopi riba dje.  Educacion pa sigui progresa, ta bay ta e motivacion, determinacion y di esaki e Kaderopleiding aki ta cuminza.  Ta importante pa e educacion aki no ta djis debi cu nan tin derecho riba dje, pero cu e ta importante pa e futuro di e organizacion.  Aki tin di pensa riba algun aña lo ta hopi Polis ta bay disfruta di nan pensiun.  Y e ora e grupo nobo lo keda pa carga e peso riba nan schouder.

   E lidernan nobo ta bay wordo forma aki, y ta importante pa esnan ta sigui inverti den nan desaroya, den nan vak, y den nan habilidad di ta lider.  Tur e confianza den boso, y e ta importante pa bisa esey.

   E lesnan aki ta pa bin cu un reorganizacion completo den Cuerpo, cu un strategia nobo cu no ta uno dificil.  Ta bay haci esaki mas facil, cu tres meta principal.  E prioridad ta pa seguridad di oficialnan di Polis, cu yudanza di herment, medio di transporte, y tambe e bienestar di cada oficial, cu e ambiente pero toch pendiente di e riesgonan.  Tambe e cultura y ambiente ta importante den aki.

   Tambe tin di percura pa Cuerpo Policial ta un dunador di trabao ehemplar, y tambe ta bay enfoca riba e perspectiva y desaroyo pa cada agente keda bay dilanti, y interes den e carera.  Pero aki tin di pensa riba e puntonan mas importante, esta e “seguridad”, “bienestar”, y trabao cu “sentido”.

   Comisario Arnhem ta insisti cu Cuerpo Policial ta sigui draai rond di e nucleo cu e “e hende ta central” den nan strategia nobo.  Esey ta loke Mando Policial ta spera di esnan cu lo bay sigui e Kaderopleiding aki, y di e forma con nan pronto lo bay ta duna les y mustra con pa nan bira lider.  Esencia di liderato ta contribui na un forma placentero yen inspiracion na e significacion y desaroya di un persona.  E persona e ora lo bay sinti su mes stabil y mas safe na su pia di trabao.

   Alto Comisario a duna un mensahe na e grupo, esta cu Mohammed Ali a yega di inspire cu e palabranan, esta “nos presencia aki ta temporal, riba nos mundo.”

   Durante e mainta aki, Alto Comisario a indica cu nan tey eynan cu e Chef di Opleiding School, lidernan di Sindicato, personal di Communicatie, y nan tur ta traha como un team.  Esey ta importante pa por hiba e Cuerpo Policial den e strategia nobo.

   El a desea tur esnan cu ta sigui e Kaderopleiding, pa nan tin hopi exito y spera cu nan lo por participa na e reto aki, y cu e oficialnan sa di e importante pa desaroyo personal y progreso di nan carera, y pa esaki bira posible tin di duna honor special na tur esnan na e Academia Policial aki ta duna un man pa haci tur esey bira posible, y keda wak dilanti.

   Alto Comisario a elogia tambe e trabao di Sindicato SPA su importancia pa sigui vigila e progreso di e Cuerpo na forma skerpi den bista, pero toch nan tambe interesa den e desaroyo y educacion di personal di Polis.

   E mensahe di Comisario pa esnan cu ta sigui e Kaderopleiding ta pa concentra, enfoca riba nan logro, y tambe duna sosten na otro durante e temporadanan aki.