El a finalisa den bringamento
ORANJESTAD (AAN): Diadomingo atardi pa 3:45 pm, Central di Polis a manda patruya di Polis di Noord pa e parkinglot di un banco na Noord, como cu eyriba lo tin un pleito cu ta menazando di bira un bringamento.
Ora cu Polis a yega den e parkinglot, nan a mira dos homber na suela ta bringando. Otro hendenan a core yega y a rek a dos hombernan for di otro.
Polis a bay papia cu uno di nan, e ciudadano di inicial M. El a declara na agentenan cu un rato prome el a trece su casa na trabao. Ora cu el a yega cas bek, el a haya su yiu muher ta yora. El a core bisa e tata, cu un homber a drenta nan cura di cas, y a bay cu placa di e yiu muher.
Un testigo a informa e ciudadano ta kende e homber ta, esta un tal inicial P., kende ta esun cu a drenta su cura di cas. Esaki a pone e ciudadano a core subi su auto bek, y sali enbusca di P.
Banda di e mondi panort di Western Union na Noord, el a mira e homber P. ta cana. El a stop su auto, baha di esaki y a rek careda tras di P. y asina nan a bringa cu otro.
A base di esaki, Polis a bay y detene e sospechoso P. pasobra a viola Articulo 2:273 inciso 2 di Codigo Penal, y tambe Articulo 23 inciso C di Ley di Polis. E ta wordo acusa tambe di viola articulo 2:288 y 2:193 inciso C di Codigo Penal.
El a wordo hiba Warda di Polis y encarcela pa investigacion.
