Nan ta spera haya contesta awe: --- ORANJESTAD (AAN) – Tin fuerte indicacion cu varios persona no a haya FASE siman pasa, entre 6 cu 10 di December, manera a wordo menciona pa Gobierno.
No obstante cu Gobierno a informa cu esnan cu no a haya por comunica cu e desk di FASE, tin hende cu ya caba, lunanan anterior, a pasa den e trayecto di yama un y otro bez pa puntra pero esaki no ta facil pa haya hende concerni, y ora ta haye ta tarda hopi pa wordo yuda, y ta suppose cu cada hende tin un number, pero no tur ora e number ey ta aparece registra bek.
Ta di spera cu awe, e personanan cu no a haya siman pasa por yama y haya contesta, y logra ricibi nan ultimo FASE, pasobra ta e unico entrada cu nan por conta cune pa loke falta di e luna aki, pa cubri algun gasto. Haya trabao no ta di e facil ey pa un y tur, y esaki ta un realidad dificil pa un y tur enfrenta.
