Tendencia na mas caso durante fin di aña
ORANJESTAD (AAN): Riba diadomingo, Departamento di Salud y Crisis Team a informa cu segun resumen 18 persona a recupera y un total di 18 caso nobo di COVID-19 a keda registra di cual 2 ta no-residente.
E cifranan aki ta representa un 'Positivity rate' bou di residentenan di 14%. E cantidad di casonan activo di COVID-19 pa awe ta 196 y cantidad di fayecidonan relaciona cu COVID-19 ta 177.
Datonan ta ilustra casonan nobo di COVID cu un average semanal di 20 caso pa dia y un averahe di 'positivity rate' semanal di 14% pa dia.
Actualmente na Aruba tin 7 persona interna debi na COVID di cual den ICU tin 5 persona y riba piso general tin 2.
Na Colombia tin actualmente 7 persona den ICU y 1 riba piso general.
Por constata den e dianan aki cu tin un tendencia na mas casonan nobo di Covid-19. E casonan aki ta varia pa dia, pero sinembargo, e ta un tendencia na mas caso compara cu esunnan di fin di November y inicio di December unda e casonan tabata di entre 16 pa 17 caso pa dia.
