Segun Organisacion Mundial di Salud: ORANJESTAD (AAN): E variante omicron di Covid-19 ta plamando mas lihe cu Delta, cu sintomanan mas leve,
lastrando e accion di e vacunanan, asina a indica Organisacion Mundial di Salud (OMS), cu a destaca tambe cu esaki ta datonan preliminar.
Omicron pa dia 9 di December ya caba tabata presente den 63 pais rond mundo.
Segun OMS, omicron parce di ta plamando mas lihe cu e variante delta, cu te awor ta e responsabel di mayoria di e contagionan na mundo.
E avance aki mas lihe no ta exclusivo na Sudafrica, unda delta ta menos prevalente, pero tambe na Reino Uni, unda e ta dominante.
Pa awor, e falta di mas informacion ta impedi afirma si e tasa di transmision di omicron ta debi na e hecho cu ta logra sorteer e inmunidad, cu su caracteristicanan ta hacie mas contagioso of un combinacion di ambos factor.
