Tres hubilario special na Aviacion Civil

ORANJESTAD (AAN): Directie Luchtvaart Aruba (DLA) a celebra e aniversario di tres empleado cu a demonstra dedicacion y profesionalismo continuo.

Nan contribucion ta fortifica e funcionamento interno di DLA, pero tambe ta duna un impacto positivo na aviacion pa Aruba.

   Ministro Ursell Arends tabata presente pa felicita y duna reconocemento mereci na Margarita Boekhoudt, cu a logra 25 aña di servicio na Land Aruba. Tambe na Gilbert Nicolaas, cu ta celebra 35 aña di servicio na Land Aruba.  Finalmente na Edwin Kelly, cu a cumpli 30 aña di servicio na Land Aruba, ta un pilar pa su ekipo, inspirando nan cu su liderato y dedicacion.

   Cada un di e empleadonan aki ta un ehempel notabel di e compromiso cu e mision di Directie Luchtvaart Aruba pa mantene y eleva nivelnan di seguridad y servicio den aviacion di e pais. Na nomber di Ministerio di Transporte, a expresa gratitud profundo pa nan esfuerzo y logro.