Tomati cu lechuga y varios berdura mas a bira scars

ORANJESTAD (AAN): Den fin di siman, ta diferente persona a bin nota cu ta dificil pa haya tomati di fruta,

dificil pa haya lechuga cumpra den Supermarket.  Hopi tipo di fruta y berdura mas tabata hopi scars, y rekinan tabata bashi.

   Personanan cu ta haci compras di cuminda na varios restaurant, tabata ricibi informacion di waiternan cu nan no tin lechuga disponible pa pone den salada.  Esey a pasa tambe na algun Fast-Food Restaurant.

   Tur esaki a presenta su mes, debi cu e cargamento di fruta y berdura cu ta yega tur Diamars for di Miami, no a drenta.  E barco di e shipper King Ocean no a yega Aruba.  Pesey un monton di container di producto frieu, fuera di cantidad di otro producto no a yega Aruba.

   Diamars ta e dia cu e barco di King Ocean ta yega Aruba pa baha carga di container na Waf di Barcadera.  Sinembargo riba e ruta di Fort Lauderdale pa Aruba, e barco a sufri dificultad tecnico cu e motor.

   E barco AS Fabrizia cu ta nabegando bao bandera di Portugal, no por a sigui su rumbo cu e problema di motor aki.  Den consulta cu e compania, e Capitan a dicidi na desvia e barco pa Waf di Kingston (Jamaica), unda

   Te cu Diadomingo anochi 8:00 pm, keto bay e barco aki, hunto cu riba di 100 pico container destina pa Aruba, tabata ancra den awanan como 8 kilometer leu for di Waf Principal di Kingston.  Kizas e ta ancra mey-mey di awa dilanti Harbour View, sperando riba pieza pa e motor yega.

   E barco mes ta uno fabrica na aña 2008.