*Stitching Hunto ta hopi preocupa
ORANJESTAD (AAN)-- Den entrevista cu señora Dalguis Montalvo, director di Stichting HUNTO, a splica cu entre e hobennan cu a yega na e fundacion, debi na efecto di Vaping, algun tabata usando esaki caba y otronan pa prome biaha.
E diferencia tabata e contenido cu tabata tin den e aparatonan aki. Esaki a pone cu a bay den hospital, y tin diferente otro efectonan cu ta bay bin cu nan salud despues.
“Hopi di nan ta pa prome biaha a use, pero e substancia cu tin den dje ta e problema. Loke cu nos tin ta esnan cu a yega cerca nos cu nos por a wak kico tin den e aparato. Hopi biaha ta dosis hopi halto di dje, loke ta pone cu obviamente e muchanan aki nan curpa no ta bay wanta e substancianan sintetico cu ya caba nos sa con ta wordo traha, con nan ta, mucha mes por traha esaki; pues, kico précis tin den dje? E por tin delaster un cos hinca den dje y esey ta e partinan cu ta drenta cerca nos, cu nos por saca afo. Nos tin un sistema di test di 14 substancia, cu nos por haci uso di dje, y cu ta duna nos kico exactamente e lo por tin, ki medicamentonan por ta wordo uza, ki kimiconan por tabatin den dje. Pero kico précis e muchanan ta hayando, kico nan ta cumprando eyfo, nan no sa”, Montalvo a reitera.
Tambe bon por t’asina cu tin lugarnan clandestino cu ta traha e producto di vaping, cu tin otro contenido manera marihuana of otro substancia nocivo, y ta bende na cliente, entre nan e hobennan.
“Dalgis a reitera cu ora di cumpra e producto no por wak kico tin den dje, y tin di e muchanan cu ya caba a siña, via media (rednan social) cu ta duna full e forma con e mucha por trahe. Y hopi biaha ta substancianan cu bo mes tin na cas, medicamento cu ta bin den paki di e mayornan of un hende den e famia. Pues, con pa yega na e substancianan aki ta hopi facil actualmente pa e muchanan. Pa nos primordial ta no use mes. Bo no sa nunca kico bo ta hincando den bo sistema, por ta alcohol traha na cas, of otro. Kico tin traha na cas, kico bo ta usando? Bo no sa...” Delgis Montalvo, director di Stichting HUNTO, a remarca.
