Tanique Chan a haya oportunidad pa modela den e 'Fashion Week' na New York

Esaki sigur ta e apertura di un porta pa tur e muchanan special!

ORANJESTAD (AAN): Cuater hobencita local a participa recientemente den e evento Festival del Talento y la Belleza Internacional 2022 na Republica Dominicana unda nan a logra representa Aruba den un forma tremendo logrando varios premio.

            Den e participantenan tabata tin un mucha special, Tanique Chan, cu a acapara hopi atencion. Tanique a haya oportunidad pa bay modela durante e 'Fashion Week' na New York.

            Pronto Aruba lo wak tur su 'performance'. El a haya un yamada di Miss World Caribbean cu a yame y papia cu ne directamente.

            Esaki sigur ta e apertura di un porta pa tur e muchanan special pa nan tambe wordo inclui y trata igual, Chastity Kock, directora  The Chaz Modeling & Talent School a indica.

            Masha pabien na Tanique. Sigui cu e tremendo trabao.