𝘔𝘪𝘯𝘪𝘴𝘵𝘦𝘳 𝘋𝘢𝘯𝘨𝘶𝘪 𝘖𝘥𝘶𝘣𝘦𝘳 --- ORANJESTAD (AAN): Diahuebs e aerolinea TUI a anuncia cu na April 2022 lo cuminsa cu vuelonan pa Aruba desde Brussels.
E vuelo pa Aruba lo pasa via Santo Domingo, pero e vuelo di Aruba pa Brussels si lo ta uno directo.
E aerolinea TUI lo bay ofrece e servicio di 1 vuelo semanal riba diadomingo. E aerolinea lo ta uzando e tipo di avion Boeing 787-8 Dreamliner. E vuelo lo ta saliendo pa 9 am y lo ta yegando Aruba 3.15 pm ora local. E ida lo ta saliendo for di Aruba pa 4.05pm y lo baha na Brussles e siguiente dialuna mainta. E ruta aki no ta uno full nobo pa TUI, door cu den pasado ya caba e ruta aki tabata wordo uza.
E noticia aki ta uno sumamente positivo pa Aruba su turismo caminda lo bay diversifica e mercado Europeo cu 1 ruta nobo. Di manera aki Aruba ta sigui reconstrui e mercado importante aki creando mas conectividad entre Aruba y Europa. E focus ta pa nos recupera nos turismo completo y tur esfuerzo ta dirigi riba esaki.
Minister Oduber ta sigui diversifica turismo y cu e vuelonan nobo aki ta percurando pa ehecuta e vision di diversificacion. Minister Oduber kier a gradici partnernan AAA (Air Service Development) y ATA, y tambe tur otro partner pa e logro aki.
