Rhomayko Winklaar di Tienda di Educacion
ORANJESTAD (AAN) – Director di Tienda di Educacion, Rhomayko Winklaar, a señala den entrevista cu DIARIO tocante e presencia di muchanan chikito den carnaval, cu pa loke ta trata carnaval mes, ora hiba muchanan mester corda cu nan ta fada hopi lihe.
Si ta bay para hopi mas leu cu e comienzo di e parada e ta bay tarda mas pa yega, y e conseho ta pa para un tiki cerca di e comienzo cu tambe tin chens di haci cosnan leuk ora yega cas of na unda cu e famia ta para mes, y disfruta di e momento.
Carnaval ta parti di pueblo di Aruba su cultura y ta tempo pa pasa tempo hunto, pero mester ta sanamente pa nos por cuida di nos futuro generacionnan.
Como cu Tienda di Educacion ta un linea di prevencion, nan ta haya yamadanan di, por ehemplo, pa pidi conseho con mester hacie y kico ta e miho manera. Winklaar a menciona cu nan ta duna conseho riba e aspectonan basico, pero hopi biaha si e mayor no por busca suficiente alimento y cumpra protector solar pa e yiunan, cu su prijs ta un poco caro, ta na unda mester evalua si e mayor por bay cu e mucha expone na oranan largo unda cu solo ta fuerte, pasobra si ta bay trempan mester tene cuenta cu cada tanto rato mester aplica e protector di solo pa proteha e cuero di e mucha.
