Studiantenan di Romania a bay core rond conoce tiki di Aruba  

ORANJESTAD (AAN): Manera cu DIARIO a bin ta trece dilanti, un grupo di studiante y docente di e pais Romania a yega Aruba,

den cuadro di e programa di intercambio di Erasmus+, y na Aruba a bay enfoca nan mes riba e forma cu Colegio Nigel Matthew na San Nicolas ta duna les.

   Studiantenan di Romania ta sinta hunto cu e alumnonan di Aruba den klas, y e docentenan di Romania ta pasa y check con lesnan ta ser ofreci.

   Riba e di tres dia cu nan ta na Aruba, despues di pauze nan a subi caya pa bay explora algun lugar rond di e isla.  Nan a pasa prome na Ayo Rock Formations, sigui pa bishita na Natural Bridge.  Despues a bay pa Faro di California, pa admira e bista di lama blauw rond di e isla.  A pasa pa almuerzo na Eagle Beach, sigui pa un chapuzon den lama.

   E dia ey tabata uno cu a cuminza 7:45 am pa nan cu les, y cu e recorido rond di Aruba, nan a finaliza te 6:30 pm, net na tempo pa mira bahada di solo, cu nan tur a keda encanta cune.