ORANJESTAD (AAN): Departamento di Enseñansa Aruba (DEA), seccion Studiefaciliteiten,
ta recorda studiantenan cu ta desea di bin na remarca pa un Arubalening entrante augustus 2026 cu mester cuminsa na tempo cu e proceso di aplicacion.
Pa yuda cu e proceso aki ta organisa un anochi di informacion tocante Arubalening diahuebs 29 di januari proximo. Esaki lo tuma luga den MFR 1 y 2 na Departamento di Enseñansa Aruba na Stadionweg 37 y lo cuminsa pa 7or di anochi.
E anochi di informacion aki ta specialmente pa studiantenan cu ta desea di cuminsa studia cu Arubelening, sea e aña aki of den futuro. Ta recomenda studiantenan den voorexamen klas y examen klas pa asisti na e anochi di informacion aki. Mayornan tambe ta mas cu bonbini.
Ta pidi e studiantenan pa registra pa e anochi di informacion via website www.ea.aw.
Mas informacion
Pa cualkier pregunta relaciona cu Arubalening por manda un email na Cette adresse e-mail est protégée contre les robots spammeurs. Vous devez activer le JavaScript pour la visualiser.of un whatsapp na 594-4140.
Pa mas informacion por acudi na nos website ww.ea.aw y busca Arubalening (Portal) na letter A den e alfabet menu. Tambe ta sugeri studiantenan pa sigui Departamento di Enseñansa Aruba riba Facebook y/of Instagram @EducationAruba pa keda na altura di tur informacion.
