Setar NV orguyoso di a yuda Aruba Hi-Winds 2025

ORANJESTAD (AAN): E compania Setar NV ta contento di partner un biaha mas cu e organisacion di Aruba Hi-Winds pa trece e gran evento deportivo di Aruba Hi-Winds 2025.

   Ta conoci cu Setar pa hopi aña ta un sponsor strategico di Aruba Hi-Winds, door di suministra conexion y comunicacion durante e evento cu ta centraliza rond di Sarah Quita Beach.

   Aruba Hi-Winds ta atrae tur aña gran participacion local y internacional, un evento importante pa nos sector di turismo y e isla.  E competencia grandi di windsurf aki a cuminza desde decada di 1980 y ya tin un nomber gestempel den e popularidad rond mundo.  Esaki ta e di 37 edicion di e competencia.

   E evento a cuminza siman pasa Diaranson, y lo ta finalizando awe Dialuna 2 di Juni 2025.