Durante su bishita na Aruba - ORANJESTAD (AAN): Secretario di Estado Raymond Knops tabata di bishita na Aruba pa e ultimo biaha como Secretario di Estado.
El a reuni cu Prome Minister demisionario Evelyn Wever-Croes, na unda nan a trata diferente tema, entre otro palabracionnan cu Hulanda, Landspakket y Rijskwetten.
Loke tabata mas importante durante e encuentro aki tabata cu a refleha confiansa cu ta poco poco biniendo bek den Aruba, algo cu Gabinete Wever-Croes 1 a bin ta traha hopi duro riba dje durante e ultimo añanan.
Knops a indica cu tabatin bon cooperacion entre Gobierno Hulandes y Gobierno di Aruba y lo kier continua cu esaki pa atende cu e retonan cu tin, y cu e ta mira un futuro sumamente briyante pa Aruba.
