ORANJESTAD (AAN): Riba Diadomingo, e Agencia Espacial Ruso, esta Roscosmos a confirma cu nan tin intencion pa construi y mantene un stacion di referencia di e sistema di navegacion di satelite Glonass na Venezuela.
Manera ta conoci, ademas cu e sistema di satellite-navigation GPS inventa door di Merca, rond mundo tambe tin e sistema Glonass crea door di Rusia.
“E ponemento di un stacion di Glonass ta poni den e acuerdo ruso-venezolano riba e cooperacion den exploracion y uso di espacio cu metanan pacifico,” ta loke e corporacion espacial a bisa riba social media di Telegram.
Roscosmos a bisa cu e convenio pa desaroyo di e proyecto aki a wordo firma na Caracas dia 30 di Maart 2021, y ratifica door di Moscu dia 11 di Juni 2022.
E stacionnan di coleccion di midimento ta un compleho di equiponan di navegacion di precision-halto instala na lugarnan unda bo sa e posicion geografico exacto, segun e agencia espacial a splica.
E agencia ruso a referi cu un tecnologia principal den e contexto aki ta PPP (Precise Point Positioning) cu por garantiza precision decimeter-pa-centimeter pa e static-mode combina cu e orbitanan preciso di satelite, y holoshinan cu receivernan dual-frequencia di e señalnan di GNSS.
