ORANJESTAD (AAN): Manera DIARIO a trece dilanti, Diamars anochi tabatin un solo ganador di e sorteo di Lotto di Dia.
E numbernan cu a sali ganador e anochi ey tabata 02, 04, 06, 10, y 12.
Diaranson e ganador a presenta na oficina di Lotto na Playa. Reginald a presenta cu su ticket, y mesora personal di Lotto a revisa esaki pa mira si el a pone su firma patras, y e numbernan di su cuenta di banco.
Ora cu a scan e barcode, e computer a confirma cu Reginald a gana 53.000 Florin.
Despues di esey a sigui cu e proceso pa transferi e premio electronicamente pa su cuenta di banco. Reginald a indica cu e ticket ganador mes el a cumpra na Cura Cabai Lottery.
