Pueblo en general cu tremendo acogida pa celebracion di Dia Nacional cu Super Do It Center

ORANJESTAD (AAN)-- No solamente e comunidad di Noord, pero pueblo henter a duna un tremendo acogida y contesta hopi positivo na e invitacion di Super Do It Center,

riba Dia di Himno y Bandera, pa forma un gran famia nacional celebrando hunto nos 50 aña di Himno y Bandera, y e di 40 Aniversario di Status Aparte.

Asina aki hopi famia mes y personanan individual a presenta na e yamado aki, y no por laga afo cu varios turista tambe a  probecha di e bunita evento aki.

Un evento di cual tur hende a sali contento y satisfecho, y goza un mundo di un dia espectacular, cu bon ambiente musical, atraccion pa e chikitonan, expo di autonan classic, y sin papia mes di e cuminda delicioso cu tabata tin.

Riba combinacion di potret por aprecia momentonan inolvidable na Super Do It Center na Shaba, cual hopi hende ta desea pa e bira un tradicion di awo padilanti, den nos Dia Nacional.