ORANJESTAD (AAN): Den nomber di Gobierno di Aruba, Prome Minister Evelyn Wever-Croes a manda felicita Gilmer ‘Pik’ Pisas y partido MFK cu e victoria aplastante siman pasa na Curaçao.
“Pueblo di Curaçao a papia, y bos di pueblo ta bos di Dios. Mi ta desea e gobierno nobo hopi sabiduria pa por sigui traha y hiba e dushi pueblo di Curaçao padilanti. Aruba y Curaçao tin hopi cos en comun y e retonan cu e dos islanan aki tin cu enfrenta ta hopi similar. Mas nos traha hunto, mas uni nos ta, mas fuerte nos ta pa enfrenta tur e retonan aki.
Ohala cu den futuro e cooperacion cu semper tabata tin entre Aruba y Curaçao por continua. Pabien na Gilmer ‘Pik’ Pisas, pabien na MFK y pabien na e pueblo di Curaçao” Prome Minister a expresa.
