oRANJESTAD (AAN): Preparacion ta andando pa asina e isla haya su prome Congreso Catolico, titula ‘Sanacion door di su Amor’.
DIARIO a compronde cu esaki lo bay tuma lugar riba Diasabra 3 di Mei 2025 na Centro San Martin na Santa Cruz.
E Congreso aki lo ta for di 8:30 am te cu 5:00 pm. E encuentro aki lo tin e participacion di Diacono Michael Nicolaas di Aruba, tambe Pastoor Pedro Duarte di Curaçao, y Rodrigo Jaramillo kende ta fundador di e movimento.
E lo ta un dia di encuentro cu Dios, sanacion interior, y crecimento spiritual. Esnan interesa pa ticket y mas informacion por yama 699-5669, y e evento aki lo ta organiza pa e grupo Lazosdi Amor Mariano Aruba (LAM Aruba).
