Prome cambio di presupuesto 2026 entrega na CAft

Prome cambio di presupuesto 2026 entrega na CAft

Minister Geoffrey Wever:

ORANJESTAD (AAN): Minister di Finansa, Asunto Economico y Sector Primario, mr. Geoffrey Wever ta informa cu despues cu Parlamento a duna su aprobacion riba e prome cambio di Presupuesto 2026, e Prome Presupuesto Supletorio 2026 aproba a wordo manda oficialmente pa Colegio di supervision financiero Aruba pa conseho manera ancra den ley.

E Prome Presupuesto Supletorio 2026 ta premira un saldo financiero di minimo 1 porciento di e producto interno bruto. Esaki ta ekivalente na Afl. 81 miyon florin. Manera ley di supervision financiero, articulo 14 ta stipula cu e suma completo aki ta bay pa paga debe di Pais Aruba. Ley di supervision financiero conforme articulo 11 ta stipula cu asina e presupuesto of cambio di esaki wordo aproba, gobierno tin e tarea legal di manda esaki pa Colegio di supervision financiero Aruba.

Cu entrega di e Prome Presupuesto Supletorio 2026 entrega na Colegio di supervision financiero Aruba, Gabinete AVP-FUTURO ta sigui cumpli cu loke ley di supervision financiero ta stipula. Banda di cumpli tambe cu un saldo financiero di minimo 1 porciento di e producto interno bruto, e Prome Presupuesto Supletorio 2026 ta continuacion di e maneho financiero economico di Gabinete AVP-FUTURO pa duna beneficio di crecemento economico back na comunidad y sigui haci inversionnan necesario na beneficio di Aruba su desaroyo segun Minister di Finansa mr. Geoffrey Wever.