Minister Geoffrey Wever:
ORANJESTAD (AAN): Cacho y pushi cu ta cana los riba caya ainda ta representa un problematica grandi den nos comunidad. E situacion aki ta pone na riesgo e siguridad di ciudadanonan, por causa accidente y molester y tambe ta afecta cunukeronan cu ta cria bestianan manera cabrito. Ta necesario pa tuma accion urgente pa garantisa mas orden, siguridad y bienestar pa tur.
Minister Geoffrey Wever a duna di conoce cu, apesar cu esaki no ta cay bou di su ministerio, ya caba el a sinta cu Minister Dowers riba e problematica serio aki na unda cu cachonan ta ataca bestianan y mata nan. El a agrega cu ainda no por duna un tempo specifico pa tin solucion pero recientemente a firma un MOU y Gobierno ta atende cu esaki pa haya un solucion pronto.
Mientras tanto, el a remarca, Ley di Cacho tey caba unda ta bisa cu un ciudadano no mag di tin un cacho los riba caya. Segun e, mester trece mas conscientisacion di esaki den pueblo y haci un maneho mas rigido riba e cumplimento di e ley.
