Liberato Hoek, hefe Servicio Ambulance:
ORANJESTAD (AAN)-- Señor Liberato Hoek, Hefe di Servicio di Ambulance ImSan, ta trece dilanti algun conseho pa e publico cu ta bay wak e paradanan grandi di carnaval.
“Specialmente personanan cu ta sufri di malesanan cronico, bay cu e remedinan cu docter a receta nan, y importante ta pa no tuma nan cu alcohol, pasobra e ta bay haci nan daño. Tambe, en general, pa e publico proteha nan mes contra e solo, kiermen uza protector solar, bebe suficiente likido, tira bon bista riba e muchanan, cu ta aspectonan di tur aña. Hendenan cu ta bay cu cuminda prepara, DVG tin su campaña con pa prepara y warda nan cuminda, y tur esaki ta importante, specialmente den e paradanan grandi.
El a agrega cu e servicio di Hospital, den carnaval, nan ta prefera pa pone accesible su personal pa e paradanan mas grandi y Lighting Parade na Playa. Na San Nicolas no tin e servicio aki pasobra ImSan ta hopi cerca di e parada.
