Personal di DIMAS a haya curso riba cambionan den LTU

Monique Van Wilgen, director interino di DIMAS,

ORANJESTAD (AAN): Monique Van Wilgen, director interino di DIMAS, a indica den un entrevista cu DIARIO, cu personal di DIMAS a haya un curso cu ta encera toelating y handboek di 2023 y tambe e parti di Landsverordening Toelating en Uitzetting (LTU). Actualmente nan ta dunando e curso na e ultimo grupo, ya cu tur departamento a haya e curso aki.

Señora Van Wilgen a splica cu pa motibo di cierto cambio den maneho na 2023, pero tambe den LTU, cu desde 2021 a conoce cambionan, nan a dicidi di haci un 'update' entre e personal di DIMAS, y asina tur ta na altura di e cambionan.

E LTU ta disponibel riba website di DIMAS, pa esnan cu mester di mas informacion y asina por wak e cambionan menciona.

Señora Van Wilgen a bisa cu e tipo di cursonan aki ta importante pa asina tur personal trata di manera uniforme y tin informacionnan actualisa di e sistema y trata riba mesun linea pa asina tambe evita di duna informacionnan robes na e clientenan.