Pastoor Jose Miguel y Instituto IKDA a pasa bishita Rosario College

ORANJESTAD (AAN): Siman pasa, Pastoor Jose Miguel Navas di Instituto Kateketiko Diosesano Aruba (IKDA) tabata presente na Rosario College na Playa,

unda nan a pasa di klas pa klas pa bendiciona cada alumno y docente, y pidi Dios pa Hesus sigui nace y renace den nos y mey-mey di nos.

   E alumnonan a para riba trapi y na un forma magistral a canta par di cantica di Pasco cu a resona masha bunita mes.

   Na e scol a traha un bunita Pesebre banda di e kerstboom, y aki Pastoor Jose Miguel a probecha pa bendiciona e Pesebre, cu ta refleha e curason y motibo di nos Pasco di Nacemento.  A nota cu ora cu Pastoor tabata papia, ta tur mucha tabata keda keto pa scucha e palabranan special aki.