Diabierna 30 di januari 2026, muchanan di Colegio Laura Wernet-Paskel na Kadushi Largo,
pa di su 47 aña ta celebra Carnaval cu un parada conhuntamente cu participacion di otro scolnan di bario di Santa Cruz. E parada lo sali 5:30 di atardi for di parkeerplaats di Colegio Laura Wernet Paskel. E parada ta bira na e crusada di Sero Compa y Kadushi Largo bay pariba direccion Angochi y ta lora despues pa termina e parada riba e veld di Sportboys Club.
Colegio Laura Wernet-Paskel tin como tema e aña aki: ‘Riba un aventura’. E aña aki 2026 ta compaña nan ta Curason Contento cu e tema “Brassband”, Sint Jan Kleuterschool cu tema di “Mascarada Neon” y Colegio San Hose cu tambe tin e tema di “Master Legobuilders”. Colegio Laura Wernet-Paskel kier a gradici tur sponsors cu ta haci e parada posibel: Setar NV, Elmar NV, Citgo Sta Cruz, KimJen Construction, Tropical bottling Company cu su Minute Maid juice, Bergs Ice factory, EMS.
