ORANJESTAD (AAN): Riba Diasabra tabata un dia di malasuerte pa algun hende, specificamente esnan bibando den distrito di Santa Cruz.
Diasabra atardi tabatin problema cu coriente cu a laga parti di e distrito sin coriente. Hasta DVG a haye obliga na stop cu vacunamento na Centro Deportivo Betico Croes.
Despues di mas di 1 ora, coriente a bin bek.
Pero Diasabra anochi laat, atrobe algun area di Santa Cruz a keda sin coriente, specificamente Cobalodo, Angochi.
Segun NV Elmar, e interupcion di coriente ta debi na un palo di luz na candela na Angochi. Pues mester a warda te ora cu Cuerpo di Bombero a paga e candela, pa asina tecniconan bay revisa e palo pa wak su condicion. Asina tin di dicidi si acaso ta bay reemplaza esaki, y pa pone Transformer y Wayanan nobo, lo tin di bay haci esaki y na final warda e keuring tuma lugar, prome cu a pone coriente bek.
Varios habitante a indica cu esaki ta e di cuatro biaha cu coriente a bay ultimo dianan den e area.
E potret aki pa cortesia di NV Elmar.
