Notario Tromp a duna interesante charla tocante aspectonan legal na personanan cu demencia

Lisette Does, Coordinador Cas Marie:

ORANJESTAD (AAN) – Den entrevista cu señora Lisette Does, Coordinador di Cas Marie, a duna informacion tocante un charla cu a tuma lugar Diasabra, door di Notario Marion Tromp.

E tema tabata e aspectonan legal pa personanan cu demencia. Señora Does a señala cu riba nos Isla tin hopi adulto mayor cu ya caba tin problemanan cu nan asuntonan legal, manera nan bienes, nan placa, nan pensioen, kico nan famia por haci, kico no, ora cu esey ta wordo malusa, ora cu tin bienes cu no tin caminda di bay pasobra no tin un famia, anto pa esnan cu ta perde mente e ta conta un tiki mas pisa, y pesey mi ta bay conta esey.

Señora Does a menciona cu tin temanan cu ta yega cerca nan, cu casonan di demencia y cu nan ta trata cada tres luna, y e aña aki a dicidi pa brinda atencion na e aspectonan legal, pasobra tin preguntanan cu ta yega cerca nan hopi, pero via Cas Marie mes no por contesta nan, anto nan trabao ta busca hende cu sa di esey, manera den e caso aki Notario Tromp, cu a bin duna su programa gratuitamente.

Señora Does a conclui bisando cu Cas Marie ta druk constantemente, y lo bay conoce un di dos dependence cu lo habri na Macuarima, na Luna di Juni-Juli. E ta un bunita cas, localidad cu a haya como donacion pa asina Cas Marie por haci su trabao cu otro gruponan cu eyfo ta warda un lugar pa pasa dia.