Miss Universe Aruba, Anouk Eman a briya den competencia preliminar cu su mensahe di resiliencia

ORANJESTAD (AAN):  Miss Universe Aruba, Anouk Eman, a keda e alma di e audiencia durante e competencia preliminar di Miss Universe diahuebs anochi,

mustrando su gracia, forsa, y e esencia di e orguyo Arubano.

Anouk a subi riba e podio den un National Costume espectacular, inspira den e “Shoco,” e parha tipico di Aruba. E costume impresionante aki, crea cu e talento extraordinario di Anthony Angela, Orlando Arcaya, Carlos Tromp, Beto Werleman, Carolina Boekhoudt, Verena Lian, y  K&G Store, ta refleha e bunitesa y e importancia cultural di e isla.

            Den e ronda di trahe di baño, Anouk a demostra seguridad y elegancia, canando cu un carisma digno di un reina experto. Su manera di cana a hala e atencion di tur hende, probando cu e ta un candidato sobresaliente.

            E evento a bira mas inolvidabel ora Anouk a keda selecciona como un di e siete finalistanan Voice of Change Silver, un reconocimento historico pa Aruba den Miss Universe. E logro aki ta resalta no solamente su abogacia, pero tambe e influencia global di Aruba.

            Pa e segmento di evening gown, Anouk a bisti un creacion magnifico di diseñador Mexicano Enger Luces. E vestuario, un obra maestra, ta ilustra e bishita personal di Anouk cu su cirugia di scoliosis, simbolisando su spirito indomabel y ganando e titulo di “Iron Woman.” Su historia y elegancia a lanta admiracion den e publico, fortaleciendo su posicion como un simbolo di inspiracion.

            Aruba y hopi admirado riba un nivel mundial, a yena di orguyo ora Anouk Eman a sigui sobresali den e competencia. Cu e final aki cerca, e speransa ta grandi pa e reina extraordinario aki logra e lugar mereci riba e top.

            DIARIO ta desea Anouk hopi exito awe durante e anochi final di Miss Universe.