ORANJESTAD (AAN): Siman a habri caminda Minister Geoffrey Wever a reuni cu Directie Financiën.
Den e reunion aki, e.o. a cubri e diferente preparacionnan andando pa casonan aki:
(1) Tariff War, su consecuencianan financiero y economico pa Aruba;
(2) Reunionnan importante na Washington D.C. otro siman cu World Bank, IMF, banconan internacional y agencianan di rating.
(3) Cambionan necesario na e presupuesto 2025.
(4) Presupuesto 2026.
Segun Ministro Wever, mester balansa desaroyo economico, inversion duradero, poder di compra y entrada stabil pa gobierno pa por nabega e olanan mundial cu sabiduria y prudencia. E reunionnan otro siman na Washington D.C. ta sumamente importante den e cuadro di stabilidad y progreso financiero pa Aruba, cual mester bay den cooperacion estrecho cu Aruba su partnernan global.
