Ministro a reuni cu e directora nobo di SABA

ORANJESTAD (AAN): Riba Diaranson, Ministro encarga cu Asunto di ciudadanonan di edad mayor, esta Ursell Arends, a reuni cu directora nobo di Fundacion SABA.

   Ta trata aki di señora Sulima Geerman, kende a atende e reunion hunto cu president di Raad van Toezicht, esta Sr. Jacques van der Scheer.

  DIARIO a compronde cu esaki tabata un reunion fructifero unda a papia riba e cuido brinda door di SABA y riba eficiencia operacional.

   Ministro a probecha pa desea Sulima Geerman tur clase di exito den e rol nobo cual nos tin sigur lo ta un aporte positivo den desaroyo di SABA.