Minister Maduro a reuni cu Rabbi Baruch Zeilicovich di Beth Israel Synagogue

ORANJESTAD (AAN):  Como Minister encarga cu Cultura, Minister Maduro ta responsabel pa e 'Erediensten' di nos Pais.

Den cuadro di e trabounan relaciona cu 'Erediensten,' Minister Maduro a cera conoci cu Rabbi Baruch Zeilicovich di Beth Israel Synagogue, kende ta e guia spiritual nobo pa e comunidad Hudiu na Aruba. Rabbi Baruch ta sucesor di Rabbi Daniel Kripper kende tabata den funcion desde 2013 te cu 2022.

Rabbi Baruch no ta desconoci, ya cu e Rabbi tin 32 aña ta bin Aruba como turista.

Na varios ocasion Rabbi Baruch a yuda cu ceremonia di bar mitzvah y casamento na Aruba. Minister Maduro a hiba un combersacion ameno cu Rabbi Baruch riba e importancia pa un persona por conta cu guia spiritual.

E mandatario ta desea Rabbi Baruch hopi exito cu e trabou noble di guia e comunidad Hudiu na Aruba.