Militarnan di Corsou y Aruba a ricibi certificado Curso di Desaroyo di Maneho

WILLEMSTAD: Diesseis Militar di Corsou y Aruba  a finalisa cu exito e curso Hulandes di Desaroyo di Maneho (LMV);

pa esaki nan por a ricibi nan certificado na Kazèrne di Marina na Suffisant.

E curso ta dirigi su mes riba hombernan cu ta transicionando pa entrenamento di sub-oficial como copra. Durante e curso, e soldatnan a explora varios estilo di liderazgo y a descubri cua estilo ta pas miho cu nan propio personalida y estilo di liderazgo.

E conocemento y habilidadnan adkiri ta forma un fundeshi importante pa e programa di entrenamento pa copra, cu ta cuminsa dialuna proximo. Cu e certificado aki den man, e diesseis soldatnan lo ta miho prepara pa nan rolnan nobo como lidernan den futuro den forsanan arma.

E curso ta aporta na profesionalisacion di Militarnan di Caribe, cual ta un ambicion importante di Defensa den Region Caribe.