Militarnan aspirant a logra pasa prome fase y haya nan Baret

ORANJESTAD (AAN): Recientemente tanto e aspirantnan militar di Aruba y Curaçao di e prome formacion militar,

a logra di pasa nan prome examen di teoria y practica, y oficialmente a haya e ‘petchi’ pa bisti, cu yama Baret. 

Awor cu nan a ricibi esaki, nan ta finaliza e prome parti di e training militar aki.

   Pa nan por a obtene nan Baret, cada uno di e aspirantnan aki mester a pasa cu exito algun examen di teoria y tambe di practica. 

Tambe nan mester a logra sobrepasa algun exigencia fisico, manera marcha cu velocidad, marcha, y landamento.

   Awor cu nan tur a ricibi nan Baret, esey nifica cu nan tur a haci nan best y awor ta cla pa sigui cu e siguiente fase pa nan futuro carera militar.