ORANJESTAD (AAN): Colegio EPI a ricibi bishita di MBO Bonaire recientemente.
E grato bishita aki tabata den conexion cu e 'samenwerking' entre EPI y MBO Bonaire.
Di MBO Bonaire a bini sra Liset Wolff cu ta directora hunto cu su colega Sietske de Graaff. Den ambiente ameno a comparti experiencia pa cu examinering den onderwijsvernieuwing, pa combersa y haci palabracion pa cu diferente proyectonan cu ta na caminda pa asina engrandece e colaboracion entre e scolnan.
MBO Bonaire ta un ‘Middelbaar BeroepsOnderwijs’ cu ta duna les den sectornan di Turismo, Administartie, Media, Welzijn, Techniek, ICT, Sport, y Horeca.
