Mayoria trabao di renobacion di beachnan a wordo haci pa DOW mes

ORANJESTAD (AAN): Diahuebs mainta na Eagle Beach, e director di DOW, Marlon Croes a hiba palabra na ocasion di e finalizacion di Fase 1 di proyecto pa ‘Renobacion di nos Beachnan’.

   Segun Marlon Croes, den transcurso di añanan dilanti lo bay drecha e beach di Fisherman’s Huts, beach di Mangel Halto, beach di Baby Beach, beach di Rodgers Beach, pero na su debido tempo e grupo lo prepara e trabao y sigui cu esaki.

   Croes a gradici e grupo di Aruba Amenities cu a traha duro riba esaki, y no djis e grupo cu a traha e plannan, el a gradici e equipo di DOW, Landschapbeheer, Infraverkeer cu a haci trabao di limpieza, trabao di sefta santo, trabao di transporte, y pone na e lugar unda e mester ta.

   E costo di e proyecto di renobacion aki a costa entre 50.000 pa 60.000 Florin y segun Croes, mayoria trabao a wordo haci ‘inhouse’ door di DOW.