Informacion riba aceleracion di eleccion 2024 ta haya mas base
- DIARIO ta entrega prueba con e Ley di Reino ta wordo bari for di lista
- Wever-Croes a deshaci di e berguensa cu Mike Eman a causa Aruba
ORANJESTAD (AAN) Na 2020 ora den Pandemia, Prome Ministro Evelyn Wever-Croes mester a bati na porta di Hulanda pa pidi asistencia finaniero di Reino pa Aruba por a confronta e pandemia, Aruba practicamente a wordo insulta dor di Reino Hulandes.
Na 2020 e Ministro Hulandes encarga cu Relacionnan den Reino, Raymond Knops, a base di e debenan cu Gobierno Mike Eman a crea pa Aruba, a bisa cu Aruba tabata den estado di bancarota y a presenta leynan cu mester a pone hasta e sistema democratico di Aruba na cadena.
Un lucha a wordo hiba dor di Prome Ministro Evelyn Wever-Croes for di e momento cu e amenaza di aanwijzing di parti di Hulanda a base di e caos financiero cu a wordo crea dor di Mike Eman, mester a confronta situacionnan cu a humilia Aruba, cu na man di Betico Croes a hiba un lucha fuerte pa epor a haya su Status Aparte.
Ta e maneho cu a wordo hiba dor di Evelyn Wever-Croes sigur cu e asistencia di su gabinete pero na un forma particular e trabou di Ministro di Asuntonan Financiero Xiomara Maduro, ambos expertonan riba nan tereno, a entrega na Aruba logro enorme y tambe e capacidad pa a pesar di e debe nacional cruel cu a wordo produci dor di Mike Eman, percura pa Aruba por a confronta e pandemia Covid-19 y den amenaza di recesion mundial, ricibi un lugar di prestigio pa e tremendo maneho financiero cu Aruba a hiba.
Na e momentonan aki ta un disgusto pa nota con contrincantenan di Gobierno Wever-Croes na tur forma ta trata na kibra e logro grandi di Evelyn Wever-Croes, cu a alcansa pa Gobierno di Reino bay di acuerdo cu ta kita e Raft for di Aruba y ta sinta na mesa cu Aruba pa yega na un otro formula pa garantiza cu un bon maneho financiero ta wordo hiba na Aruba.
Informantenan a splica DIARIO cu a cambionan cu a presenta nan mes na nivel politico na Aruba pa motibo di eleccion, a mustra claramente cu Reino tabata tin razon pa no honra imediatamente e peticion di Prome Ministro Wever Croes pa deshaci di e RAFT cu mester a garantisa cu abuso di placa di Pueblo di Aruba lo no tuma lugar mas manera tabata e caso di Gobierno Mike Eman.
Mientrastanto na un forma baho atake ta wordo lanza contra Prome Ministro Evelyn Wever-Croes cu no a practica mentira ningun momento cu e medidanan cu tabata existi a wordo bati for di mesa y cu awor Reino mester bay negocia un formula nobo pa supervision cu Aruba.
Un situacion sumamente lamentable a presenta su mes na Aruba caminda ta trata na tur forma pa desacredita Prome Ministro Evelyn Wever-Croes, cu a pone Aruba te na top di mundo y a rehabilita e bon relacion entre Reino y Aruba cu pa motibo di Mike Eman a ricibi maximo berguenza ora Reino a pone fin na e huelga di hamber di Mike Eman pa desvia atencion di e Arubiano di loke tabata pasa realmente cu placa di Pueblo di Aruba.
DIARIO ta bay presenta mas y mas comprobante di e forma bergonzoso cu ta trata na deshonta Prome Ministro Evelyn Wever-Croes cu a saca Aruba for di e buraco y e desastre financiero di Mike Eman, cu mester a a drenta huelga di hamber pa scapa su cara pa despues di eleccion di 2017 desaparece for di Aruba pa regresa ora el a kere cu e por manipula Aruba cu ya prome cu Pandemia a logra scapa cara di Aruba cu e maneho nobo di Prome Ministro Evelyn Webvber-Croes.
Awe na un forma baho ta trata di deshaci di e logro di Aruba den Reino Hulandes pero documentonan ta papia pa nan mes pa sostene e tremendo trabou di Evelyn Wever-Croes cu henter mundo ta aplaudi.
