ORANJESTAD (AAN): Diasabra awor 2 di april 2022, den oranan di mainta ta cuminsa resa Santo Rosario pa 6:15 am, sigui pa Santa Misa pa 7:00 am.
Laga nos bin hunto pa resa pa esnan enfermo na cas, na hospital, casnan di hende grandi of esnan hopi malo pa muri na hospice. Pa no lubida esnan na Colombia of Hulanda. Laga nos resa pa guera na Ucraina termina.
Na parokia di San Nicolas tin reflexion riba Cuaresma. Ta cuminsa 9:00 am mainta riba 3 di april 2022. E programa ta:
9:00 (1) Charla di pastoor Rafi.
10:15 (2) Charla di rev. diacono Michael Nicolaas.
Ta sigui cu mas charlanan riba Cuaresma. Ta termina 12:30 pm.
Corda cu esaki ta un bon ocasion pa asisti na charlanan riba Cuaresma. Tur hende ta bon bini.
