KROSSHART cu produccion nobo campeon

Cu e articulo aki mi ta manda pabien y palabra di elogio pa e produccion nobo di KROSSHART production.

E ta titula XPLORA y tin e cancion instrumental “black hat”. E cancion a ser traha pa Chriss Kross  y e musiconan ta Jose Croeze, Chris Kross, Siegfried Hart, Evelyn Gallardo, Lauriane Ghills, Susjaira Kerpens  y un string quintet di Hulanda.

            E ritmo ta Baiao cu ta cay bao di Latin Jazz. E inspiracion Chriss Kross a hay’e antes durante su estudio hunto cu su amigo Tomas Lopez na FIU na Miami di e famoso Munir Hossn cu ora di presenta semper tin un sombre preto riba su cabes.

            E influencia Arabico y Brasileño a inspira e cancion aki. E simbolonan cu tin riba nos casnan di antes, o sea e flor di 6 petalo, e vas cu flor y e mata di forma di man habri simbolisando nos hospitalidad a ser uza den e clip . 

            E clip por ser mira riba e youtube channel di Krosshart.

            Publico por sostene Krosshart door di like share, cumpra nan merge, scucha nos cantica y bishita nan  concierto december 2021.

Black Hat a ser realisa cu sosten di Unoca y Prins Bernhard Cultuur Fonds Caribisch gebied. 

Pa:  Addonsito Croes