ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta djis escoge un number consistiendo di cuatro cifra, y agrega un signo zodiacal y ya bo ta den wega.
Esey ta loke Jorge a haci tambe, y a bira feliz notando cu el a gana. Pesey riba Diaranson el a acudi na oficina di Lotto na Playa pa reclama su premio.
E funcionarionan di Lotto a revisa su ticket, y ora cu a scan e barcode, e computer a confirma cu el a gana 14.750 Florin cu e wega di Zodiac Merdia.
Mesora a cuminza cu e proceso di transferi e premio electronicamente pa su cuenta di banco. Segun Jorge, e ticket ganador el a cumpra na Bon Suerte Lottery.
