ORANJESTAD (AAN): Un curso ta bay wordo ofreci, pa asina tur doño di negoshi chikito y empresario haya sa con pa prepara pa belasting.
E organizacion IDEA (Iniciativa pa Desaroyo pa Empresa Arubano) ta ripiti door di demanda grandi e workshop di ‘Time for taxes’. IDEA kier a invita tur esnan cu tin un negoshi existente of cu ta den proceso pa habri un negoshi pa asisti na su workshop di: ‘Time for taxes’.
E workshop aki ta presenta door di Departamento di Impuesto (DIMP) y lo tuma luga otro siman, diamars, dia 15 di november 2022. Algun topiconan lo ta e.o. “Inkomsten y winstbelasting”, “Administratieplicht”, “Aangifteplicht”, “Toepasselijke belastingen”, manera BBO, LB and primanan social, y loke mester tene cuenta cu ne y con pa aplica esaki ora bo tin un negoshi.
E workshop aki ta completamente GRATIS y ta tuma luga na Departamento di Asuntonan Economico, Comercio y Industria na Sun Plaza, di dos piso di 9.00 am pa 12.00 pm.
Pa tur empresario existente of cu ta den proceso pa habri un negoshi y cu kier atende e workshop aki mester registra via e siguiente link:
Corda registra, como cu DIARIO a haya sa cu cupo ta limita, nos ta ward’abo.
