Jerusho Fernandez y Sonaly Fernandez-Acosta cu gran prestacion den coremento di bicicleta

Representando ciclismo di Aruba na Colombia

ORANJESTAD (AAN): Diadomingo cu a pasa, un total di riba di 11.000 ciclista, representando practicamente tur pais na mundo, a participa na e corida di mas popular di continente.

   E corida aki tabata e coremento di mas grandi di e version di e "Giro di Rigo" cu ya a wordo organisa na diferente pais den e continente Americano. En vista cu e coremento aki tabata su despedida oficial di ciclismo profesional, e Colombiano Rigoberto Uran mihor conoci como Rigo, a organisa e evento den su departamento natal na Antioquia, Colombia.

   Jerusho Fernandez di Aruba a tuma e ruta "Leyenda" di 160 km cu un altitud total di 3.200 meter, ta logra termina den un tempo official di 7 ora y 30 minuut.

   Sonaly Fernandez Acosta di Aruba a tuma e ruta "Mitica" di 65 km cu un altitud total di 2.200 meter, a termina den un tempo total di 3 ora y 34 minuut.

   E pareha a hiba un preparacion di lunanan largo y a keda masha satisfecho cu nan resultado. Esaki ta un pareha, cu dos yiu, cu ta un bon ehempel na hobennan, pero tambe adultonan cu tin famia.