ORANJESTAD (AAN): Un di e weganan di mas popular di Lotto keto bay ta e sorteo di Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Jairo a haci, y el a hunga e number 6666 cu e signo di Leo, y el a gana e premio tambe!
Pesey riba Dialuna el a acudi na oficina di Lotto na Playa pa reclama su premio. Na su yegada, mesora e funcionarionan di Lotto a revisa su ticket pa check si el a pone su firma banda patras, y si e tin e numbernan di banco poni.
Ora cu a scan e barcode, e computer mesora a confirma cu Jairo a gana 12.500 Florin cu e wega di Zodiac di Diabierna anochi.
Mesora a cuminza cu e proceso pa transferi e premio electronicamente pa su cuenta di banco. Jairo a indica cu e ticket ganador mes el acumpra na Manton Lottery na Savaneta.
