CARACAS: E siman aki, fanaticonan na un forma special a conmemora e hecho,
cu 41 aña pasa tabatin e coronacion di e di dos reina universal venezolano, Irene Sáez, cu tabata dia 20 di Juli 1981 el a haya e corona di Miss Universe riba su cabez.
Esaki a socede e tempo aya, apenas dos aña despues di e triunfo di Maritza Sayalero, ora cu Irene Lailin Sáez Conde a wordo escogi como Miss Universe na New York. Irene e tempo ey di 20 aña di edad, y studiante di Ingenieria Civil, a inscribi pa participa den Miss Venezuela, y a wordo corona como e venezolana mas bunita di e aña ey.
Awor ya ta un aniversario mas! Irene Sáez mes a skirbi riba social media: “E añanan a bula pasa bay, y ora bo cera wowonan bo ta sinti cu tabata ayera mes, cu e fecha di 20 di Juli 1981. Pa carga e nomber di Venezuela na halto tabata e honor di mas grandi. Unda sea cu nos ta, nos curazon ta carga e bandera tricolor.”
