Pa cumpli cu protocolnan nobo internacional
- a haci prome facelift deep plane cu 0 emision di gas PFAS
ORANJESTAD (AAN): Recientemente e anestesista Dr. Ike Posner a publica con desde 2020, Instituto Medico San Nicolas (ImSan) ta pionero den operacion di wowo cu ta funciona cu respet pa medio ambiente.
ImSan mes desde Juni 2023, ta un hospital acredita pa JCI na Aruba, y ta cumpli estrictamente cu e protocol di PFAS, evitando lo mas hopi posibel e uso di gasnan peligroso di anestesia, manera desflurano y isoflurano, cu ta clasifica bao di e substancianan di definicion per- y polyfluoroalkyl (PFAS).
Dr. Ike Posner a describi ademas con e reduccion di e gasnan aki di anestesia, principalmente na Centronan Medico Universitario (UMC) na Hulanda, ta un logro importante di medio ambiente y ta asina un modelo exitoso pa reduci PFAS via di esfuerzonan di colaboracion den e sector di salubridad publico. E iniciativa aki a ricibi no djis reconocimento di e Ministro Hulandes di Salud Publico como parti di un enfoke mas amplio di e gasnan di anestesia den e Guideline nobo pa Cuido Preoperativo, pero tambe ta pone den spotlight e liderato di ImSan pa integra sostenibilidad den cuido di salud. Esaki ta subraya e importancia y e impacto di e practicanan inovador na ImSan.
Ademas, door di centralisa riba e tecnicanan di anestesia locoregional, ImSan ta sigura mas satisfaccion di e pashent door di efectivamente maneha dolor mientras na mesun momento ta reduci e impacto medioambiental y riesgonan pa salud asocia cu e gasnan di anestesia tradicional.
E reglanan aki na ImSan ta demostra liderato den cuido di medio ambiente y ta cuadra cu e tendencianan di salud mundial cu ta riba un ruta pa minimalisa e voetprint ecologico y mehora e resultadonan pa pashentnan.
Prome facelift na InSam: E vision di ImSan ta sirbi como un ehemplo pa otro institucionnan di salud cu kier combina e excelencia den atencion na pashent cu e consenshi medioambiental.
Otro procedimentonan di cirugia tambe ta beneficia di e enfoke aki. Director di ImSan, esta Dr. Joel Raijnherc a informa cu e kier a felicita Dr. Capi Wever, kende riba Diabierna 3 di Mei 2023 a haci e prome facelift facial profundo na ImSan cu 0 emision di PFAS, cu asistencia di e team di anestesia di ImSan.
E asina yama ‘deep plane facelift” aki ta usa un corta net bao di e sistema aponeurotico muscular di cara (SMAS) di e parti mey-mey di e cara, cu ta permiti un lysis directo di ligamento facial clave y e movimento maximo di e cuero fini superficial. Door di pone tension solamente na e nivel di e fascia, e tecnica aki ta crea un ceramento di cuero sin tension y ta garantiza resultado na termino largo.
