ORANJESTAD (AAN): A bin sali na cla, cu actualmente tin un scarcedad grandi di cas pa cumpra of huur pa hendenan local.
Semper ta importante pa yuda nos localnan inverti den vivienda propio, y tambe si mester pa huur pa un famia grandi.
Hopi local ta den necesidad pa cas di 4 camber, tin cu kier cumpra y otro mester pa huur a termino largo (pues e asina yama ‘long-term contract’ pa un aña of mas).
Pa haya sa mas di e fenomeno aki, DIARIO a acerca un persona local kende ta envolvi den benta y compra di cas.
Den un entrevista cu Eva Wever, cu ta yuda clientenan di e compania local di real estate, esta Bold Properties, el a splica cu tin enberdad scarcedad di cas di 4 camber riba e isla.
“Nos trabao como realtor ta pa haci tur possible pa asisti y guia nos local, tambe cu nan Banco, taxatie, experto di inspeccion, y logra e Notario di preferencia. Y nan ta percura pa e local haya lokual ta mihor pa su inversion.
Si bo ta buscando un propiedad pa cumpra awor of bo kier bende, of huur pa termino largo, contact e libremente pa mas informacion .
Actualmente e por ofrece clientenan varios residencia bon pa famia of comercial. Na e.o. centro di Oranjestad, tin residencia na Adriaan Lacle Boulevard, area exclusivo, tradicional y bon pa famia. Tres minuut for di Surfside beach, restaurants, cinema, malls y schoolnan, biblioteca nacional.
Otro residencia grandi den area di Maria College, un Localidad cu ta ideal pa un Clinica di Docter, cas di cuido pa hende mayor, centro di educacion, oficina di notario of abogado. Accesible for di varios direccion den centro, cerca di farmacia, supermercado, cinema, surfside beach, y gasoline station.
Tambe tin condominiums na Eagle, Palm Beach, Westpunt, den caya grandi y centro tin diferente proyectonan di 2, 3 of 4 camber, cu pool, gym, seguridad y mas servicio. Na Bucuti, pa e esnan cu gusta bay keiro den boto, zeil y pisca,
tambe tin un tremendo cas, cu terenon propiedad apenas 3 minuut for di Varadero Yacht Club. Tur e propiedad nan aki ta di local, y hopi bon pa local, cu tereno propio. Tur esey ta loke Eva Wever ta ofrece, via su number 560-0029, y bo por WhatsApp tambe.
Si bo ta interesa pa ta doño di bo mes un boutique hotel? Yame pa un gran oportunidad di un Hotel na Malmok, cu ta bunita situa ban di Tres Trapi, cerca di beachnan di Arashi.
